2025 жылдың 26 ақпан – 14 наурыз аралығында Академияның Атырау облысы бойынша филиалы мен Атырау облыстық аумақтық сайлау комиссиясы бірлесіп, учаскелік сайлау комиссияларының мүшелеріне арналған оқыту семинарын ұйымдастырды.
Семинардың негізгі мақсаты – бірмандаттық аумақтық сайлау округтері бойынша мәслихаттардың шығып қалған депутаттарының орнына сайлау үдерісін ұйымдастыру бойынша білімді өзектендіру және комиссия мүшелерінің құзыреттерін жетілдіру.
Семинар барысында талқыланған мәселелер:
🔹 Учаскелік сайлау комиссиясының өкілеттіктері мен комиссия мүшесінің мәртебесі;
🔹 Бірмандаттық аумақтық сайлау округтері бойынша сайлау ұйымдастыру және өткізу ерекшеліктері;
🔹 Карточкалық сызбалар бойынша жұмыс;
🔹 Сайлау процесіне қатысушылардың құқықтары мен міндеттері;
🔹 Дауыс санау және құжаттармен жұмыс істеу дағдылары.
Семинарға қатысушылар сайлау процесінің барлық кезеңдерін жан-жақты меңгеріп, тәжірибелік дағдыларын арттырды.