27 наурыз күні Академияның Атырау облысы бойынша филиалында «Мемлекеттік органның цифрлық трансформациясы» тақырыбында бір күндік біліктілік арттыру семинары өтті.
Семинардың мақсаты – мемлекеттік билік органдары қызметінің тиімділігін арттыру үшін AI және басқа да цифрлық технологияларды қолдану бойынша кәсіби құзыреттіліктері мен тәжірибелік дағдыларын дамыту.
Семинар барысында тыңдаушылар мемлекеттік басқарудағы цифрлық трансформация және цифрландыру жобалары, IT саласындағы заңнамамен танысты. Data Driven Government тұжырымдамасын іске асыру маңыздылығына тоқталды. AI түсінігі және оның мемлекеттік басқару процестерін оңтайландырудағы әлеуеті талқыланды. Сонымен қатар, AI негізіндегі автоматтандыру туралы түсінік қалыптасты.
Қатысушылар мемлекеттік органдарда AI және басқа да цифрлық технологияларды енгізу тәжірибесімен танысып, тәжірибелік кейстерді талдады.
Семинардың қорытындысы бойынша тыңдаушылар заманауи цифрлық құралдарды тиімді пайдалану және мемлекеттік қызметтерді автоматтандыру туралы бағалы білімдер мен дағдыларға ие болды.
