Деректерді визуализациялау – бұл деректердің көрнекі бейнесі. Деректерді кестелерде немесе мәліметтер базаларында көрсетудің орнына, диаграммалар мен графиктер түрінде берген күрделі деректерді түсінуге мүмкіндік береді. Деректермен жұмыс істеуді жеңілдетуге Power BI көмектеседі.
⠀
Power BI әртүрлі көздерден алынған деректерді жүктеуге, оларды талдауға және сызбалар, графиктер немесе диаграммалар түрінде ұсынуға мүмкіндік береді.
⠀
Бүгін Қазақстан Республикасы Президентінің жанындағы Мемлекеттік басқару академиясының Атырау облысы бойынша филиалында «Деректерді визуализациялау және аналитика» тақырыбында семинар басталды.
⠀
Практикалық сабақтар барысында тыңдаушылар Power BI-дың негізгі мүмкіндіктерін: әртүрлі көздерден алынған деректерді жинақтауды, ақпаратты визуализациялауды, графиктер мен диаграммалар құруды үйреніп, деректерді өңдеу, талдау және визуализациялау бойынша кәсіби құзыреттері мен тәжірибелік дағдыларын дамытады.
