3 мамыр күні ҚР Президенті жанындағы Мемлекеттік басқару академиясы Атырау облысы бойынша филиалында Мемлекеттік рәміздер күніне орай “ Мемлекеттік рәміздер – елдіктің қасиетті бойтұмары ” тақырыбында танымдық сағат өткізілді.
Атырау облысы Мәдениет, тілдерді дамыту және архив ісі басқармасының “Тіл” оқу-әдістемелік орталығы директорының орынбасары Ғазизова Лаура Бауыржанқызы академияның қайта даярлау курсы тыңдаушыларына мемлекеттің тәуелсіздігін білдіретін символикалық белгілердің маңыздылығын дәріптеді.
Филиал директоры Бекіш Азамат Әбділқаилұлы өз кезегінде көк аспан түсті Туымыз, айбынды Елтаңбамыз, асқақ Әнұранымыз секілді баға жетпес құндылықтарымызға деген әр қазақстандықтың құрметін қалыптастыру, жас ұрпақтың санасына отаншылдық сезімді сіңіру, патриоттық аңсарды тәрбиелеу – басты мақсатымыз екендігін атап өтті.
Шара барысында тыңдаушылар көкейдегі бірқатар ұсыныстарын жеткізіп, ой-пікір алмасты.
