09 ақпан күні Академияның 30 жылдық мерейтойы аясында «Даму күнінде» Филиалымызда Атырау облысы әкімі аппаратының басшысы Нұрлыбек Жеңісбекұлы қайта даярлау курсы мен біліктілік арттыру семинарының тыңдаушыларымен маңызды және шабыттандыратын мотивациялық кездесу өткізді.
Кездесуде мемлекеттік қызметшілердің алдына қойылған жұмыстың негізгі міндеттері мен басымдықтары талқыланды. Нұрлыбек Жеңісбекұлы әр қызметкердің ортақ мақсаттарға жетудегі маңыздылығын атап өтіп, энтузиазм мен жоспарлаудың қажеттілігіне тоқталды. Сонымен қатар, жұмыстың тиімділігі мен көрсетілетін қызметтердің сапасын арттыру және кәсіби дағдыларды дамыту жолдарын талқылап, стратегиялық міндеттерді іске асыруға белсенді қатысуға шақырды.
Президенттік жастар кадр резервінің мүшесі ретінде іріктеу кезеңдеріндегі тәжірбиесімен бөлісе отырып, облыстың дамуына өз үлестерін қосамыз деген білімді, дарынды жастарды Өңірлік кадр резервіне қатысуға шақырды.
«Кітапханаға кітап сыйла» акциясы аясында мемлекеттік қызметтің қыр-сыры баяндалған «Елтұтқа» атты кітабын кітапханамызға тарту етті.
Кездесу барысында қатысушылар сұрақтарын қойып, кадрлық мәселеге қатысты өз ойларымен бөлісті.
Мотивациялық кездесу тыңдаушылар үшін маңызды нәтижелерге қол жеткізе алатын үлкен және жауапты команданың бір бөлігі ретінде сезінуге тамаша мүмкіндік болды.
