2022 жылдың 19-23 қыркүйек аралығында Қазақстан Республикасы Президенті жанындағы Мемлекеттік басқару Академиясының Атырау облысы филиалында облыстық, қалалық және аудандық мәслихаты депутаттарына біліктілігін арттыру семинары онлайн жүйеде басталды.
Семинар мақсаты – жаңа сын-қатерлер мен қазіргі нақтылық жағдайында тиімді қызмет ету үшін барлық деңгейдегі депутаттардың кәсіби құзыреттері мен тәжірибелік дағдыларының деңгейін арттыру.
5-күндік семинар барысында тыңдаушылар депутаттық қызметтегі негізгі құқықтық және басқарушылық аспектілермен қатар:
Көшбасшылық;
Шешімдер қабылдау;
Қызметті басқару;
Ынтымақтастық және өзара іс-қимыл секілді кәсіби және тәжірибелік құзыреттіліктерді меңгереді.
Семинардың алғашқы күнінің лекторы Мемлекеттік қызметтің ардагері, І шақырылымдағы Балықшы аудандық Мәслихатының хатшысы, ІІ шақырылымдағы Атырау қалалық Мәслихатының хатшысы Аман-Турлина Тамара Өтегенқызы.
