Бүгін Қазақстан Республикасының Мемлекеттік қызмет істері агенттігінің Атырау облысы бойынша департаментімен бірлесе мемлекеттік қызметшілер арасында әдептілік принциптерін дәріптеу және кәсібилігін арттыру мақсатында “Мемлекеттік қызметтегі кәсібилік және этика: сөз сөйлеу мәдениеті және БАҚ-пен байланыс” тақырыбында конференция өткізілді.
Конференция спикерлері:
-ҚР Мемлекеттік қызмет істері агенттігінің Төрағасының орынбасары Беркімбаев Берік Серікұлы
-ҚР Мемлекеттік Президентінің жанындағы Мемлекеттік басқару академиясының Бірінші вице-ректоры Дүсіпов Еркін Шажаұлы
-ҚР Мемлекеттік қызмет істері агенттігінің Атырау облысы бойынша департаментінің басшысы, Әдеп жөніндегі кеңес төрағасы Ерлан Ермаханбетов
-ақын,аудармашы Қалшабеков Абай Батырұлы
-ҚР Президентінің жанындағы Мемлекеттік басқару академиясының бизнес-тренері, коуч, психолог Ақерке Берлібайқызы
Конференцияға сонымен қатар, Атырау өңірінің жергілікті және орталық атқарушы органдардың мемлекеттік қызметшілері, “Халық үніне құлақ асатын мемлекет: халықпен және азаматтық қоғаммен өзара әрекеттесу құралдары”семинары тыңдаушылары қатысты.
Конференцияда мемлекеттік қызметшілердің халықпен сөйлесу мәдениеті, мемлекеттік қызметшілерге әлеуметтік желі не үшін қажет және оны тиімді қолдану тәртібі, БАҚ-на сұхбат беру барысында анық әрі еркін сөйлеу, журналистермен дұрыс қарым-қатынас жасау,сөз сөйлеу өнері, халықпен тығыз қарым-қатынаста болу аясында ұсынылатын бірегей кітаптар, және сұрақ қою әдебі талқыланды. Әр спикер өз кейсін қорғай отыра, конференцияға қатысушылардың тарапынан қойылған бірқатар сұрақтарға жауап беріп, кері байланыс орнатты.
