14 наурыз күні Академияның Атырау облысы бойынша филиалында «Парасаттылық. Сыбайлас жемқорлыққа қарсы мәдениет» тақырыбында біліктілікті арттыру семинары өтті.
Семинардың мақсаты – қызметтің тиімділігін арттыру үшін кәсіби құзыреттер мен тәжірибелік дағдыларды дамыту.
Аталған семинарды Қазақстан Республикасы Сыбайлас жемқорлыққа қарсы іс-қимыл агенттігінің Атырау облысы бойынша департаменті (Сыбайлас жемқорлыққа қарсы қызмет) басшысының бірінші орынбасары Жахин Нұрлан Серікұлы жүргізді.
Семинар барысында қатысушылар сыбайлас жемқорлыққа қарсы мінез-құлықты қалыптастыру және парасаттылықты насихаттау, этика мен имидждің ұжымның моральдық психологиялық және құзыреттілік жағдайына әсері, мемлекеттік қызметшінің бойында парасаттылық қасиетті қалыптастырудың алғышарттары бойынша тәжірибелік кейстерді талдады.
