26 қаңтар күні Академияның Атырау облысы бойынша филиалында «Даму күні» аясында «Темперамент – адамның қабілет көзі» атты рухани-танымдық кездесу өтті.
Кездесуге қонақ ретінде «Құрмет» орденінің иегері, Қазақстан Суретшілер Одағының мүшесі, Махамбет атындағы академиялық қазақ драма театрының көркемдік жетекшісі Мұхтаров Темірбек Мәжитұлы шақырылды.
Шараға Академияның Атырау облысы бойынша филиалының қызметкерлері мен семинар тыңдаушылары қатысты.
Кездесу барысында Темірбек Мәжитұлы «Суретші көзімен» кітабын таныстырып, бейнелеу өнері мен мәдениет саласының байланысына шолу жасады. Театрдың көркемдік сахнадағы ерекшеліктері, сөйлеу дағдылары, өнердің бағыты, сана еркіндігі, темперамент түрлері тақырыбында ой өрбітті. Бейнелеу өнерінің қыр сырларын тақтада сызып, көрсетті.
Сондай-ақ Махамбет атындағы академиялық қазақ драма театрының әртістері темперамент түрлеріне тоқталып, олардың психологиялық ерекшеліктерін кәсіби шеберлікпен көрсетті.
