Қазақстан Республикасы Президентінің жанындағы Мемлекеттік басқару академиясының Атырау облысы бойынша филиалында «Б» корпусының мемлекеттік әкімшілік қызметіне алғаш кірген мемлекеттік қызметшілер үшін қайта даярлау курсы өз мәресіне жетті.
⠀
Тыңдаушылар курс нәтижесі бойынша өздерінің кәсіби білім, дағдыларын жетілдірумен қатар, өңірдің әлеуметтік-экономикалық дамуы, халық игілігі жолында өзекті келесідей жоба жұмыстарын қорғады.
⠀
-«Томарлы ауылына 24 км жол салу»
-«Қайыршақты ауылдық округі, Талғайран-2 ауылына №50 мектеп-гимназиясының құрылысы»
-«Қайыршақты» коммуналдық базарының құрылысы»
Аталған жобалардың жетекшісі Алматы менеджмент университетінің Атырау қаласы өкілдігінің директоры, профессор, доцент, экономика ғылымдарының кандидаты, филиал доценті – Джетписова Әлия Байтілеуқызы.
Жобалық жұмыстарды бағалайтын комиссия мүшелерінің құрамы:
Аязбаева Назерке Ғалымжанқызы – Білім беру бағдарламаларын іске асыру және ілгерілету кабинетінің меңгерушісі
Қуаныш Айгүл Базарбайқызы – Атырау облыстық жобалық кеңсе мүшесі, Мәдениет, тілдерді дамыту және архив ісі басқармасының бөлім басшысы
Сарманов Нұрболат Әлібекұлы – Мақат ауданы бойынша Мемлекеттік кірістер басқармасының басшысы, мемлекеттік және жергілікті басқару магистрі
⠀
Жобалық ойлау машықтарын жеке және кәсіби өмірде қолданып, мақсатқа жету жолында мемлекеттік қызметшілерге сәттілік тілейміз!
